Frrok Çupi
Këta dinë të bëjnë të njëjtën gjë. Atë që kanë bërë qysh kur kanë lindur. Atë që kanë dalluar vetëm copën e djathit në njëqoshe dhe vrimën e tyre: Dil nga vrima e turru te ‘djathi’.
Në fakt djathi ka qenë copë e madhe e Shqipërisë, të cilën miu nuk do ta imagjinonte as do ta kapërdinte dot. Këta e kanë rrëmbyer pjesën e madhe dhe tani po përgjigjen para ligjit.
Kjo është psikoza e njeriut mbi instinktin e miut. Miu di vetëm rrugën e tij, nga atje te diku tjetër, gjithë jetën.
Fatkeqësisht, këta ndodhen po aty.
U trazuan lajmet, mediat, tellallët, kuvendorët dhe militantët për një rreng instinktiv sikur Sali Berisha, ‘kryemiu’ i tyre do të dilte nga vrima dhe do të konfirmohej në Kuvend?! Kjo qëndodhi mbante në vetvete instinktin e trefishtë të ‘rrugës sëmiut’:
Instinkti i parë, ai i ‘doktor- miut’.
Sa kohë kishte jetë për të dhunuar të drejtën e njeriut, ai punonte rrengje instinktive edhe ndaj miqve të tij. Më i fundit ishte ‘stërkëmbësi fshehurazi’ që i bëri shoqes së ngushtëJozefinë. Urdhëroi Lulin, që atëherë, që të mos e vinte nëlistën e kandidatëve për deputetë, të nesërmen që në mëngjes doli e tha se ‘Jozi është e vështirë, por Luli duhej ta mbante!’. Kësaj here e hodhi në Drin të Lezhës shoqen e tij dhe e zëvendësoi me një jurist veteriner ‘si shok’ të tij. Kështu ia pat bërë edhe bnashkëfshatarit të ngushtë Azem. E vërtiste rreth selisë së PD, derisa një ditë vjen dikush nga Tropoja dhe bën shenja vrasjeje. ‘Doktor- miu’ bëri vetëm një shenjë me kokëqë nënkuptonte ‘hiqeni qafe’. Ky është instinkti i doktorit që çoi në atë boë mijëra njërës. Tani betohet si për Jozin: ‘Unë e desha, por të tjerë nuk e deshën’. U jep shpresë edhe Bardhit, edhe Salijanjit, edhe Nokës.., por në fund- te miu.
Ja, kjo ndodhi edhe kësaj here, në instinktin e ‘rrugës së miut’, sipas të cilit ‘deputetët socialistë po vdesin që ta shikojnëdoktorin në Parlament’. Puna ishte që të ngatërronte në krimin e tij edhe ata që kanë ‘dalë malit’ për të çliruar vendin nga krimi. Kjo kërkohej që nga ‘vrima e miut’.
Instinkti i dytë, i ‘Babales’.
‘Miu’ që solli në PD lajmin për politikë të madhe dhe për fitore opozitare, lajm jo nga realiteti por nga gjirize të fshehta, tanimë është kthyer në fenomen. U rekrutuan njerëz, u provuan zëra, u kopjuan CD, u sajuan studio…, e gjitha qëdikush të kishte zërin si vëllai ‘trafikant’ i deputetit kundërshtar. Po kësaj here ky kopjoji në mijëra kopje zërin e një përfaqësuesja politike kundërshtare që paska ‘kërkuar’ tëvijë Saliu në Parlament.
E njëjta rrugë, sa për të gjetur ‘copën e djathit’ e me vrap në folenë e errët. Me manovra instinktive po tentojnë të mashtrojnë sa më shumë njerëz rreth tyre sikur në atë instinkt bëjnë pjesë edhe ata. Kështu e gatuan shtetin anti- njeri që më në fund ra në vitin ’97. Ditën e fundit, shteti që paraqesin nëpër fjalime majë ballkonit ose edhe në sallone mediatike, është ai shteti i shkatërruar që bënë këta pak vite më parë.Nëse do të fitonin do të kishim atë dhunë, atë vjedhje, atë padrejtësi që provuam. Në fakt, qëllimi është që të kapin prapë copat e mëdha, jo të djathit, por kulla, bregdet, qeveri, fishekë, avionë, vrasjet… Me këtë vijë nuk kanë ndryshuar asgjë nga ajo çfarë ka ndodhur me ta.
Instinkti i tretë:
Kthimi te ‘Plepat’.
Plepi është totemi në Shqipëri i Drejtësisë shkatërrimtare ndaj vendit tonë. Historia është kështu: Kur mori pushtetin SaliBerisha, zjarrvënës ndaj vendit dhe interesave të njeriut, vuri makinën e fuqishme në dobi të ‘djathit’ të tij. Me këtë rast ngriti një çerdhe militantësh në breg të detit dhe u tha se ‘jeni në kurs drejtësie’. Ata vodhën për vete dhe për Saliun, rrënuan të drejtën dhe mbajtën anën kundër saj, çuan në vetëvrasje mijëra njerëz që u vodhën të drejtën, ngatërruan pronën dhe të drejtën e pronës aq shumë sa nuk zgjidhet kurrë; u pasuruan dhe tani janë gati të bëjnë revoluciononin e kuq të Saliut. Saliu bash për këtë arsye është non- grata dhe në arrest. Por llojin e tij, Saliu e do në krye të shoqërisë, përsëri. Instinkti i miut… Një nga ‘juristët e plepit’, të shpallur të padëshiruar për Perëndimin, e ka dërguar në Lezhë për ta fabrikuar politikan e deputet. Thjesht që të kërcënojë popullin dhe Drejtësinë.
Ai dhe ata janë nisur për atje, në rrugën ku nuk mund të ketë asnjë kthim.
