Plarent Ndreca do të jetë deputeti më i ri në Kuvendin e Shqipërisë. KQZ vendosi sot t’i japë mandatin juristit Plarent Ndreca, i cili zëvendëson Arben Ahmetajn që ndodhet në arrati.
Pasi Ndreca rezultoi i pastër në formularin e dekriminalizimit, kyekomisoneri Ilirjan Celibashi mori vendimin për t’i dhënë mandatin, ndërsa më pas ai do duhet të betohet në senacë plenare.
“Nuk verifikohet që të ketë kushte për mos zgjedhjen e tij si deputet në Kuvend, kështu vendos dhënien e mandatit zotit Plarent Ndreca”, tha Celibashi.
Pasi Dallëndyshe Bici refuzoi të marrë mandatin e deputetes, ai i kaloi Ndrecës i cili mori 4008 vota preferenciale në zgjedhjet parlamentare 2021.
Ndreca do të zëvendësojë Arben Ahmetajn, pasi ky i fundit mungoi 6 muaj për shkak se është në arrati. Ahmetaj është në hetim për korrupsion pastrim parash e fshehje pasurie në lidhje me dosjen e inceneratorëve e ndaj tij është lëshuar urdhër arresti ndërkombëtar.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026