Granit Xhaka (30 vjeç) do jetë mesfushori i ri i Bayer Leverkusen në Bundesligë. Mesfushori shqiptar do lërë Arsenalin dhe për pesë vitet e ardhshme do jetë pjesë e Bundesligës, duke u rikthyer sërish në futbollin gjerman pas aventurës me Borussia MGladbach.
Tanimë gjithçka ka përfunduar, me palët që kanë gjetur akordin mbi bazën e 25 milionë eurove. Xhaka do jetë për pesë vite pesë e “Aspirinave”, duke luajtur sezonin e ri në Europa League.
30-vjeçari Xhaka do jetë nën urdhërat e Xabi Alonsos, një prej ish-mesfushorëve më të mirë në botë, që tanimë drejton Leverkusenin. Kështu, pas shtatë vitesh në “Emirates” dhe një sezoni të fundit fantastik, Xhaka do përshëndetet me “Topçinjtë” e Londrës edhe pse kishte një vit tjetër kontratë.
Latest posts by Gazeta Pena (see all)