Është zhvilluar këtë të mërkurë në ambientet e Kuvendit një aktivitet për Ukrainën ku është shfaqur një film për Mariupolin, një prej qyteteve më të goditura nga sulmet ruse.
Ambasadori i Ukrainës në vendin tonë, Volodymyr Shkurov dënoi sulmin rus ndërsa u ndal edhe tek vendimi i Vladimir Putin. Ai tha se urdhri për mobilizimin e pjesshëm ushtarak të Rusisë është një hap i rrezikshëm dhe vendet perëndimore duhet të reagojnë.
“Më shumë se 10 dhoma torturash janë gjetur në zonat e liruara në zonat e Karkivit. Këtë mëngjes Putin bëri një deklaratë për mobilizim të pjesshëm ushtarak. Ky është një hap shumë i rrezikshëm ndër të cilët lidershipi i shumë vendeve duhet të reagojë”, u shpreh Shkurov.
Fjalimin e tij, ambasadori ukrainas e mbylli në shqip dhe me një shprehje të Nënë Terezës.
“Faleminderit sinqerisht kryetarja e Kuvendit dhe gjithë të pranishmit në këtë sallë për interesimin dhe solidaritetin me popullin e Ukrainës. “Nënë Tereza thotë: ‘Ne vetë ndiejmë që ajo që bëjmë është thjesht një pikë uji në oqean, por oqeani do të ishte i mangët pa atë pikë.’”, tha Shkurov.
- Alain Delon, sharmanti i kinemasë, burri që e bëri praninë të kishte fytyrë të dritshme dhe vështrimin të kishte sy prej qielli - 08/11/2026
- Papa Leoni XIV viziton Argjentinën mes përplasjes me presidentin Milei, varfëria në qendër të vëmendjes - 08/11/2026
- “Ata që krijuan incidentet ishin të paguar, jo studentë”/ Berisha reagon pas përzënies së demokratëve nga tubimi: Kemi lindur në protestë dhe do të jemi aty - 08/11/2026