Dy të rinj janë arrestuar pasi u kapën duke kultivuar dhe ruajtur parcelat me kanabis që kishin mbjellë në pyjet e fshatit Gimaj. Parcela u zbulua nga droni, që solli dhe ndërhyrjen e policisë duke shtrirë në tokë dy të rinjtë dhe i vënë në pranga.
Kanabisi ishte kultivuar në vendin e quajtur “Pylli i Staneve të Gakut”, në fshatin Gimaj të Shkodrës në një terren të pyllëzuar.
Gjatë kontrollit të imtësishëm u gjet dhe sekuestrua një arme zjarri automatik dhe municioni luftarak në afërsi të parcelës me kanabis.
Në pranga përfunduan E. D., 25 vjeç, banues në fshatin Grudë e Re, Shkodër dhe M. N., 23 vjeç, banues në lagjen “3 Heronjtë”, Shkodër, të cilët akuzohen për “Kultivimi i bimëve narkotike”, kryer në bashkëpunim dhe “Mbajtja pa leje e armëve dhe i municionit”.
Policia e Shkodrës vijon hetimet për identifikimin e kapjen e personave të tjerë të përfshirë në të.
- Balla publikon pamjet nga plazhi i Divjakës: Pastrimi i vijës bregdetare me makineri të teknologjisë së fundit - 11/07/2022
- Të bllokuar midis kufirit të Thethit e Valbonës, shpëtohen 3 turistët çek, Manastirliu publikon pamje - 11/07/2022
- Publikon fotot e shkollës, deputeti Korreshi ironizon Ministren Kushi: Vetëm për fushatë e përdorin - 11/07/2022