Ish-presidenti bullgar, Rumen Radev, ka dalë fitues në zgjedhjet e parakohshme parlamentare në Bullgari, duke siguruar mbi 43-45% të votave, shumë përpara rivalëve të tij politikë. Rezultatet paraprake e vendosin atë si forcën kryesore politike në vend, ndërsa partia konservatore GERB, e udhëhequr nga Boyko Borissov, parashikohet të marrë rreth 13%.
Në fjalimin e tij pas fitores, Radev e cilësoi rezultatin si “fitore të shpresës mbi frikën” dhe theksoi se qytetarët kanë refuzuar politikën tradicionale.
“Kjo është një fitore e shpresës mbi mosbesimin, një fitore e lirisë mbi frikën. Është gjithashtu një fitore e moralit. Njerëzit kanë hedhur poshtë vetëkënaqësinë dhe arrogancën e partive të vjetra dhe nuk janë dorëzuar para gënjeshtrave dhe manipulimeve. Faleminderit për besimin tuaj”, deklaroi Radev.
Ai u shpreh se Bullgaria do të vazhdojë rrugën e saj evropiane, por me një qasje më pragmatike dhe kritike ndaj politikave të Bashkimi Evropian.
“Evropa është bërë viktimë e ambicies për të vepruar si një udhëheqëse morale në një botë pa rregulla të qarta. Ajo që i duhet Evropës tani është mendimi kritik, veprimi pragmatik dhe rezultatet e prekshme – për të rivendosur forcën e saj industriale dhe konkurrueshmërinë. Ky do të jetë kontributi kryesor i Bullgarisë” deklaroi ai.
Qëndrimet e Radevit kanë tërhequr vëmendjen botërore, veçanërisht për kundërshtimin e tij ndaj ndihmës ushtarake për Ukrainën dhe thirrjet për dialog me Vladimir Putin. Vetëm disa ditë më parë, Radev riafirmoi deklaratën e tij të mëparshme të diskutueshme se “Krimea është ruse”, duke e quajtur atë një “qëndrim realist” – një vërejtje që kishte shkaktuar reagime të ashpra kur e bëri për herë të parë pesë vjet më parë.
- Braçe ‘zapton’ Foltoren dhe Territorialen në Kuvend, kritika të forta Reformës e Maznikut, fjalim kundër shkrirjes së 15 bashkive! Kushi i jep vërejtje - 08/10/2026
- “Dogjët 41% të mandatit të Komisionit”/ Mazniku i përgjigjet opozitës: Nëse bashkohemi, bëhemi më të fortë. Të punojmë për kompetencat dhe financat - 08/10/2026
- “Grupet kriminale kanë kërcënuar dëshmitarët në emër të Belinda Ballukut”, deputeti i PD i bën jehonë investigimit të “Fiks Fare”: Palestrën duhet ta bëjë te 313-a - 08/10/2026