Kryeministri Edi Rama mbajti këtë të premte një konferencë për media, ku u pyet nga gazetarët në lidhje me aludimet për zgjedhje të parakohshme parlamentare. Shefi i qeverisë e mohoi kategorikisht një lajm të tillë duke i cilësuar si thashetheme poshtë çadrës së plazhit.
“Për këtë të dytën po ju them shumë thjesht mos humbni kohë me këto thashetheme janë për nën çadrën e plazhit dhe nuk janë për këtu për të humbur ne kohë nëgodinën e qeverisë”, tha Rama.
Gjithashtu Rama u ndal dhe te reforma në drejtësi dhe arrestimet në radhët e funksionarëve të lartë shtetëror të Partisë Socialiste.
Shefi i qeverisë tha se për herë të parë në historinë e tij, shteti shqiptar ka një drejtësi që nuk pyet se kush je dhe secili mban përgjegjësinë që i takon.
“Reforma e Drejtësisë në Shqipëri është gjëja më e madhe, më e rëndë, më e paimagjinueshme deri përpara pak vitesh që i ka ndodhur shtetit shqiptar, jo sot por në historinë e vetë. Është gjëja më e madhe pasi qysh nga dita e krijimit të shtetit shqiptar nuk ka patur ky vend një drejtësi që të mos pyeste se kush je.
Për herë të aprë në historinë e shtetit shqiptar, njerëz të lidhur me forcën në pushtet janë marrë përpara përgjegjësisë”, tha Rama.
- Nga interpelanca me Ramën, te diskutimet për akcizat dhe Kodin Rrugor, Kuvendi mblidhet sot në seancë plenare - 07/05/2026
- Kërcënimi i Moskës në prag të 9 Majit, Rusia udhëzon ambasadat e huaja të evakuojnë stafin nga Kievi - 07/05/2026
- Shehi: Sistemi zgjedhor proporcional kombëtar është modeli më i drejtë për Shqipërinë - 07/05/2026