Jo vetëm në seancat parlamentare, tashmë tensionet mes deputetëve të Berishës dhe mazhorancës janë zhvendosur në komisione. Këto të fundit, janë zhvilluar online këto ditë prej aksionit opozitar, ndërsa e vetmja mbledhje komisioni që ishte parashikuar të kryhej fizikisht, nuk po lejohet nga deputetët e opozitës.
Bëhet fjalë për Komisionin e Çështjeve Evropiane i cili ka nisur me përplasje verbale mes palëve.
Në video shihet se deputetët Oerd Bylykbashi dhe Saimir Korreshi po debatojnë me kryetaren e komisionit.
Drejtuesja e komisionit: Me shumë respekt, dëgjoni kolegët…
Deputetët e opozitës: Zbato rregulloren, ça respekti…
“Lëre respektin moj”, dëgjohet teksa thotë një tjetër deputete.
Nuk dihet nëse punimet e komisionit do pezullohen, por deputetët e PD-së duken mëse të vendosur për një gjë të tillë.
- Ndezje flakadanësh e thirrje për dhunë, ‘Etika’ përjashton me 10 ditë Berishën! Me 60 ditë 5 të tjerë - 30/10/2026
- Ndahet nga jeta në moshën 78-vjeçare diplomati dhe ish-deputeti Bashkim Zeneli - 30/10/2026
- Konsultimet me Presidentin, Tom Doshi propozon datën për mbajtjen e zgjedhjeve lokale - 30/10/2026