Mbrëmjen e djeshme, kreu i PD, Sali Berisha, mblodhi një tryezë për të diskutuar mbi Portin e Durrësit të titulluar “Si të shpëtojmë Portin e Durrësit”. Por, në fund të fjalës së tij, duke folur për protestën e radhës, ai tha live se “nëse nuk e rrëzojmë këtë regjim me kryengritje paqësore të armatosur, Shqipëria do të jetë në rrokullisjen më të madhe”.
Kjo deklaratë lajthitëse duket se ka vënë në lëvizje menjëherë zyrën e shtypit të PD, e cila e ka fshirë nga transmetimi live që ndodhet aktualisht në faqen në Facebook të Berishës, duke e ndërprerë në mes fjalën e tij.
Pjesa e fshirë:
Berisha: Se në Europë thotë e kanë hequr. Në një kohë kur në Europë nuk e ka hequr asnjë vend, absolutisht. Çdo vend e ka rritur. Ka vende që e ka dyfishuar gjatë, në këtë periudhë, për fermerët, subvencionimin.
E theksova këtë moment, sepse në qoftë se ne në një kryengritje paqësore të armatosur nuk i tregojmë vendin, nuk përmbysim këtë regjim, jo porti, por Shqipëria do ketë, do të jetë në rrokullisjen më të madhe.
- VIDEO/ Sali Berisha: “Ta rrëzojmë këtë regjim me kryengritje paqësore të armatosur!”, PD fshin deklaratën nga transmetimi live - 25/04/2026
- Presidenti Begaj takim me kongresmenin në Teksas, Presidenti: Shkëmbyem perspektiva mbi rëndësinë e pranisë së SHBA-së në rajon - 25/04/2026
- Fermeri ndan lajmin me Ramën: Dibra së shpejti me kooperativë për qershitë - 25/04/2026