Presidenti amerikan Donald Trump ka deklaruar se nuk do të vendosë tarifat për vendet që kundërshtonin planin e SHBA për Groenlandën që ishin parashikuar të hynin në fuqi më 1 shkurt.
Në një postim në Truth Social, ai tha se, pas një “takimi shumë produktiv” me Sekretarin e Përgjithshëm të NATO-s, Mark Rutte, palët “kanë krijuar kuadrin e një marrëveshjeje të ardhshme në lidhje me Groenlandën”.
Ai u shpreh:
“Kjo zgjidhje, nëse përmbyllet, do të jetë shumë e mirë për Shtetet e Bashkuara të Amerikës dhe për të gjitha vendet e NATO-s.
Bazuar në këtë mirëkuptim, nuk do të vendos tarifat që ishin planifikuar të hynin në fuqi më 1 shkurt. Po zhvillohen diskutime të mëtejshme lidhur me ‘Kupolën e Artë’ (Golden Dome), në lidhje me Groenlandën.
Informacione të tjera do të bëhen të ditura ndërsa diskutimet avancojnë. Zëvendëspresidenti JD Vance, Sekretari i Shtetit Marco Rubio, i Dërguari Special Steve Witkoff dhe të tjerë, sipas nevojës, do të jenë përgjegjës për negociatat – ata do të raportojnë drejtpërdrejt tek unë. Faleminderit për vëmendjen tuaj ndaj kësaj çështjeje!”.
- Video/ Stuhia e fuqishme godet Italinë jugore dhe Mesdheun qendror, përmbytje dhe dallgë deri në 9 metra - 21/01/2026
- Moti i keq në Greqi, shënohen dy viktima, dëme dhe përmbytje në Athinë dhe në zonat bregdetare - 21/01/2026
- Catherine Dior, e mbijetuara e ferrit nazist, që vëllai e përjetësoi duke i vënë emrin e saj parfumit më të famshëm - 21/01/2026