Administrata e Presidentit amerikan Donald Trump ka nisur të rikthejë në punë një pjesë të nëpunësve të lartë që ishin detyruar ose nxitur të japin dorëheqjen si pjesë e një fushate të ashpër shkarkimesh të drejtuar muajt e fundit nga zyra për efikasitetin qeveritar, e njohur si “Doge”, e cila deri javën e kaluar drejtohej nga Elon Musk.
Ky kthim pas vjen ndërkohë që marrëdhëniet mes Trump dhe Musk janë përkeqësuar ndjeshëm, duke kulmuar me një përplasje publike të pazakontë mes dy ish-aleatëve të ngushtë.
Edhe para largimit të Musk nga administrata, zyrtarët e Shtëpisë së Bardhë kishin filluar të kuptonin se largimi i stafit me përvojë po rrezikonte funksionimin e disa prej institucioneve më të rëndësishme federale, përfshirë Shërbimin e Taksave (IRS), Departamentin e Shtetit dhe Administratën e Ushqimit dhe Barnave (FDA).
“Dëshironin të jepnin idenë se po shkurtonin administratën, por nuk u menduan fare se çfarë duhej ruajtur”, tha për Ëashington Post një ish-punonjëse e FDA-së, e cila fillimisht ishte larguar, por më pas u riemërua në detyrë.
“Tani duket sikur për ta ishte thjesht një lojë”, shtoi ajo.
Lëvizja për të korrigjuar këto vendime është interpretuar nga analistët si një pranim i faktit se reforma e ndërmarrë nën drejtimin e Musk ishte më shumë simbolike sesa e qëndrueshme, duke shkaktuar pasoja të padëshiruara në funksionimin e përditshëm të administratës federale.
- Edi Paloka: Menduam se do fitonim prej Donald Trump, por ky popull shitet për bukën e gojës - 07/06/2025
- Dështimi i seancës së 28 të votimit për Albulena Haxhiun si kryetare Kuvendi, Qemal Minxhozi: Kurti duhet të gjejë emër tjetër - 07/06/2025
- Qemal Minxhozi: Klasa politike kosovare po luan sfidën e sundimit, jo të kompromisit politik - 07/06/2025