Koncert me muzikë Jazz në sallën e teatrit “Andon Zako Çajupi” në Korçë. Tre artistë nga kryeqyteti kanë sjellë për artdashësit korçarë motivet më të njohura ballkanase të kthyera nga ana e tyre mjeshtërisht në muzikë Jazz. Muzikë e cila është pritur mirë nga korçarët e pranishëm në sallën e teatrit.
Roni Gjura, një prej instrumentistëve të kësaj trioje, njëherësh edhe kompozitor i pjesës më të madhe të materialeve të interpretuara, është shprehur se krijimi i disa grupeve të këtij zhanri muzikor, si dhe shtimi i koncerteve e festivaleve ku luhet kjo lloj muzike, ka bërë që të rritet interesi i publikut për muzikën Jazz dhe Bluez.
Edhe për bateristin Emiljan Dhimo dhe pianistin Gent Shahini, muzika Jazz për momentin ka një numër të kufizuar ndjekësish edhe sepse është muzikë e një lloji të veçantë, por ata që e ndjekin, janë njohës të mirë të muzikës.
Gjatë muajit dhjetor bashkia Korçë ka organizuar një sërë koncertesh dhe shfaqesh të ndryshme në kuadër të festave të fundvitit. Pjesë e këtij kalendari ishte edhe koncerti “Trio Balkan Jazz”.


- Skandali i spiunazhit, Jensen Huang jep dorëheqjen nga “Nvidia” pas 33 vitesh si CEO i kompanisë! Aksionet bien deri në 12% - 12/11/2026
- Jo Rama, as Berisha por maskat! - 12/11/2026
- “Sazani është pronë e Shqipërisë dhe do të mbetet i tillë”/ Rama nga Irlanda: S’kam marrëveshje me Kushnerin, negociatat vijojnë - 12/11/2026