Komisioni për Sterilizimin në Kuvendin e Shqipërisë, ka pasur debate të forta dhe këtë të hën.
Kryetarja e Komisionit Albana Vokshi mbajti një fjalë të gjatë në hapje, pa u dhënë mundësi anëtarëve të komisionit të merrnin fjalën as për procedurë.
Më pas sapo Plarent Ndreca mori fjalën ajo filloi debatin me të duke e ndërprerë.
Ajo tha se Plarent Ndreca ka hall nëse do të shkojë në SPAK me këmbët e veta apo me avokat.
Vokshi tha se lista e deputetëve të Durrësit është bërë nga bandat.
Albana Vokshi: A jeni në tërezi apo jo. Nuk bëhet kështu mbledhja. Rendin e ditës e bën kryetarja.
Plarent Ndreca: E bën mbledhjen ¼ e anëtarëve. Po bën presion. Nuk ma ndjen hiç se çfarë thua. Ju e keni penguar Komisionin. Ne kemi pritur gjithmonë me shumë durim.
Albana Vokshi: Si të vijnë mbrapa këta ty. Në SPAK do shkosh me këmbët e tua apo do marrësh avokat? Ky është halli. Lista e Durrësit ka gjysmën e deputetëve në burg. Lista është bërë me urdhër të bandave.
Plarent Ndreca: Ne SPAK nuk e konsiderojmë organizatë kriminale, ndryshe nga ju.
Ilir Metaj: Zonja Kryetare, në hapje të mbledhjes dëgjuam për rreth 21 minuta monologun tuaj, ku folët për politikën e brendshme, të jashtme, gjeopolitikën dhe astrologjinë. Dhe e bëtë në një qetësi biblioteke. Në fakt kjo duhet të ishte normale sa herë që merr fjalën dikush nga ne për të shprehur opinionin e tij.
Fatkeqësisht kjo nuk ndodh, sepse sa herë një nga kolegët e krahut tim merr fjalën, kalohet direkt në stërvitje ushtarake.
Në monologun tuaj të gjatë, ku nëse fjalët do të ishin kilometra, tashmë do kishit bërë një xhiro rreth e rrotull botës, ju nuk gjetët as pak sekonda kohë për të bërë më minimalen e njerëzores dhe institucionales: t’i kërkonit ndjesë koleges Milva Ikonomi për dhunën fizike që ushtroi në mbledhjen e fundit të komisionit, kolegu i partisë tuaj.
Ju nuk e bëtë as tani, dhe prandaj çdo fjalë që thatë këtu për etikën e transparencën, është asgjë veçse hipokrizi cinike e hidhur…
Ndërhyn Petrit Vasili pa mikrofon.
Ilir Metaj: Mos më ndërprit. Kupton që ti ekziston vetëm për t’ju kujtuar shqiptarëve sa keq mund të shkojë politika.
Do mbahesh mend në histori si deputeti më pak i votuar i parlamentit shqiptar. Edhe një vend parkimi aty jashtë, merr më shumë interes njerëzish sesa ty. Pra qepe!
- “Lavatriçja e korrupsionit”, Flamur Noka sulmon Grida Dumën pas intervistës me Karçanajn - 16/05/2026
- Integrimi në BE, Berisha: Shqipëria nuk i plotëson kriteret. Jemi vend shumë i rrezikshëm - 16/05/2026
- KiE aprovon modelin e Italisë për emigrantët, Meloni: “Gjadri” merr mbështetjen e 46 vendeve - 16/05/2026