Mbreti’ i kriptomonedhave, është arrestuar në Malin e Zi. Lajmin e bëri të ditur ministri i Brendshëm Filip Adiq i cili tha se shtetasi i Koresë së Jugut, Do Kwon, bashkëthemelues dhe CEO i ‘Therraform Labs’, me bazë në Singapor është ndaluar në aeroportin e Podgoricës në tentativë për të kaluar me dokumente të falsifikuara.
“Ish-mbreti i kriptomonedhave, i cili qëndron pas humbjeve prej më shumë se 40 miliardë dollarësh, u ndalua në aeroportin e Podgoricës me dokumente të falsifikuara”, pohoi ministri.
Ai kërkohet nga Koreja e Jugut, SHBA dhe Singapori. Më herët dyshohej se ai fshihej në Serbi. Ai është një nga të arratisurit më të kërkuar nga Interpoli me kërkesë të Seulit.