Ka nisur puna për rehabilitimin e kalldrëmeve në fshatin Kolanec të bashkisë së Maliqit. Ky investim i Këshillit të Qarkut Korçë konsiston në shtrimin e rrugëve të brendshme të fshatit me kalldrëm me një sipërfaqe total prej 1800 metër katrorë, prej të cilave 1000 janë kalldrëme të reja dhe 800 rehabilitim i atyre egzistuese.
Gjithashtu projekti parashikon rehabilitimin e çezmave të fshatit dhe vendosjen e ndriçimit publik.
Për kryebashkiakun Gëzim Topçiu, ky është një investim i rëndësishëm që pritet ta kthejë këtë fshat në një atraksion turistik.
Edhe për kryetaren e Këshillit të Qarkut, Ana Verushi, investime të tilla në fshatra janë mjaft të rëndësishme, së pari për të lehtësuar jetën e banorëve, por edhe për ti rikthyer ata që të investojnë në vendin e tyre.
Për kryetarin e fshatit Kolanec, Edison Ajrulla, ky investim është i domosdoshëm për banorët, por edhe një mundësi për zhvillimin e turizmit në këtë zonë.
Ky investim kryhet nga Këshilli i Qarkut Korçë, nëpërmjet fondeve të Bashkimit Europian, në vlerën e rreth 6 milion lekëve.
Punimet sapo kanë nisur dhe pritet të përfundojnë brenda 4 muajve duke e tjetërsuar pamjen e këtij fshati me potencial zhvillimin e turizmit.
- Në gjendje të dehur gjatë ushtrimit të detyrës, arrestohet punonjësi i policisë në Vlorë - 25/10/2025
- E padëgjuar në sportin shqiptar, volejbollistja e Dinamos pezullohet dhe i kërkohet të bëjë ‘testin e gjinisë’ - 25/10/2025
- Rama dhe Von der Leyen të ftuar si folësit përmbyllës të Forumit Ndërkombëtar të Berlinit - 25/10/2025