Emisioni “Open” u shndërrua në një arenë debati të ndezur mbrëmjen e sotme, teksa analisti Martin Leka dhe avokati përfaqësues i Gazment Bardhit, Marash Logu, përplasën pikëpamjet e tyre mbi përdorimin e familjarëve të politikanëve në diskursin publik të politikanëve.
Leka përmendi akuzat e bëra ndaj babait të kryeministrit Rama dikur, duke e cilësuar atë si një artist, por kjo është pritur nga reagimi i Logut, sipas të cilit ai nuk ishte artist, por një person që ka urdhëruar vrasjen e njerëzve.
Debati vijoi me etiketime në nivel personal, me Lekën që e cilësoi Logun si një kopje të Gazment Bardhit, ndërsa avokati iu drejtua analistit duke i thënë se po i thur elozhe komunizmit.
“Shyqyr që e kemi përcjellë komunizmin”, u shpreh Logu, ndërsa Leka u përgjigj se nuk është “përcjellë” akoma, duke iu drejtuar avokatit se “kemi babën e Zenit”, duke iu referuar kreut të PD, Sali Berisha me shprehjen e njohur të Bardhit. Leka ka theksuar se Gazmend Bardhi ka shpifur edhe kundër Sali Berishës dhe solli ndërmend deklaratën e Bardhit se nëse Sali Berisha vjen në krye të PD, ai do të tërhiqej nga politika. /Balkanweb/
- Real Madrid shokon Arsenalin, i vendos çmim marramendës Vinicius Jr - 04/08/2026
- Anija indiane fundoset pranë brigjeve të Jemenit pasi u godit nga një raketë, shpëtohen mrekullisht 14 marinarë - 04/08/2026
- Qytetet tona nuk janë më në dorë të qytetarëve… Dy ngjarje, pak cinizëm dhe disa konkluzione - 04/08/2026