Kryeministri Edi Rama ka publikuar bilancin e turistëve, të cilët kanë vizituar Shqipërinë, duke e cilësuar si më pozitivin e shënuar.
Ai ka theksuar se deri në nëntor të vitit 2023, numërojmë 9,54 milionë vizitorë të huaj dhe në dhjetor vazhdojë sërish të tjerë.
Sipas Ramës, përveç vizitorëve besnikë nga Kosova, italianët kanë qenë surpriza e këtij viti, me 872 mijë vizitorë dhe shtete të tjera si Mali i Zi, Spanja dhe Gjermania.
“Bilanci më pozitiv i shënuar ndonjëherë sa i përket numrit të turistëve, ku deri në nëntor të vitit 2023, numërojmë 9,54 milionë vizitorë të huaj, ndërsa dhjetori vazhdon të sjellë ende flukse mysafirësh nga të gjitha vendet e botës, që duan ta shijojnë Shqipërinë edhe në dimër.
Përveç vizitorëve besnikë nga Kosova që zënë peshën kryesore të hyrjeve turistike, duke u rikthyer disa herë brenda vitit, italianët kanë qenë surpriza e këtij viti, me 872 mijë vizitorë, Mali i Zi, Spanja, Franca e Gjermania me rritje rekord, e po ashtu Shqipëria po vizitohet gjithnjë e më shumë nga turistë që vijnë nga Turqia, Kina, e vendet nordike”, ka shkruar kryeministri.
- Çfarë përmban propozimi i Trump për armëpushim dhe a mund t’i japë fund luftës së Izraelit në Gaza? - 07/07/2025
- Raundi i parë i bisedimeve mes Izraelit dhe Hamasit për armëpushim përfundon pa marrëveshje - 07/07/2025
- Izolohen tri vatra zjarresh në vend, MM: Në Finiq, Poliçan dhe Elbasan situata e stabilizuar - 07/07/2025