“Urime që jeni tharë pasi u zhytët në pishinat e Irfan Hysenbelliut. Kjo tregon që ju punojnë mirë tharëset e flokëve”
Kryeministri Edi Rama deklaroi edhe njëherë në Kuvend ditën e sotme nismën që do të ndërmarrin së shpejti për ndërtimet pa leje dhe që do të nisë fillimisht në Tiranë.
Nga foltorja e Kuvendit, kreu i qeverisë përmendi prishjet në “Prestige Resort”, ndërsa ironizoi deputetë e opozitës. Rama u zotua se do të marrë fund brutaliteti i ndërtimeve. Kryeministri kujtoi gjithashtu se ndërtimet pa leje do të konfiskohen nga shteti.
“Urime që jeni tharë pasi u zhytët në pishinat e Irfan Hysenbelliut. Kjo tregon që ju punojnë mirë tharëset e flokëve. Për sa i përket ndërtimeve pa leje jemi sot në një kohë kur këto janë shfaqet e fundit të brutalitet kapitalist. Kur e kemi nisur ne punë, ndërtimet pa leje, katet shtesë ishin pa fund. Sot në Tiranë numri i tyre është i vogël, por sigurisht janë aty. Do ta shikoni. Këta ose do ti parablejnë me një çmim real tregu të indeksuar dhe do të paguajnë edhe gjobën. Me ato para ne do të çojmë te fondi i shpronësimit ose do ta dhurojmë ose do të konfiskohen dhe pastaj vazhdojnë me ndjekjen penale.
Sikur ne të kishim mend tuaja (opozita), Shqipëria do të ishte aty ku ishte. Ajo që do të ndodhë është së pari askush më nuk do e çojë për mend të bëjë metra katrorë shtesë se do të kenë halle me ligjin. Në të gjitha metrat që kanë ndërtuar përfituesit do të jenë të pastrehët, apo edhe ata të Unaza e Re, ose do të jetë shteti që do ti marrë për mjedise pune. Kjo do të ndodhë shumë shpejt në Tiranë, dhe nga rëra te plazhet”, deklaroi Rama.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024