7.5 C
Tirana
22 / 04 / 2024

Rama kujton nga Hiroshima 1-vjetorin e luftës në Ukrainë: Përpjekjet për të kthyer të shkuarën do të dështojnë

Gjatë vizitës në Japoni, kreu i shtetit shqiptar, Edi Rama u ndal në Hiroshima ku vendosi një buqetë me lule në Memorialin Përkujtimor të Paqes, si dhe vizitoi Muzeun Përkujtimor të Paqes.

Pas vizitës së tij në Muze, kryeministri Rama nuk harroi të jepte dhe një mesazh për 1-vjetorin e luftës në Ukrainë, duke thënë se çdo përpjekje për të kthyer të shkuarën do të dështojë.

“Ishin të shumtë ata që menduan se pushtimi rus i Ukrainës do të ishte çështje ditësh, por ja ku jemi këtu sot, 1 vit rezistencë heroike e popullit të Ukrainës nën lidershipin guximtar dhe vullnet hekurt të presidentit Zelensky, me mbështetjen e botës demokratike dhe tanimë është e qartë për të gjithë se Rusia nuk mund ta fitojë luftën.

Ndërkohë që kur them ja ku jemi këtu, dëshiroj të shtoj se unë kam nderin ta bëj këtë mesazh këtu nga Hiroshima, pas një momenti të gjatë dhe jashtëzakonisht të veçantë nderimi në Memorialin e të humburve e të zhdukurve nga goditja e bombës atomike dhe pastaj në muzeun e tmerreve të bombës atomike dhe shtoj që të luash sot me fjalën bombë atomike sikur flet për kukulla, është vërtetë një turp i civilizimit tonë dhe kjo e bën edhe më të rëndësishme mbështetjen për Ukrainën, aleancën e të gjitha vendeve demokratike dhe mbi të gjitha, vendosmërinë e secilit që ka respekt për dinjitetin njerëzor, për lirinë, për vlerat e demokracisë, në mënyrë që e shkuara të mbetet e shkuar dhe çdo përpjekje për ta kthyer të shkuarën të dështojë me turp”, tha mes të tjerash Rama.

Artikujt më të kërkuar

0
Would love your thoughts, please comment.x
()
x