Vëmendja botërore është në SHBA, ku më 5 nëntor do të votohet në zgjedhjet presidenciale – votime që kanë ndikim edhe në pjesë të botës për shkak të rolit të madh politik, ekonomik e kulturor të SHBA-ve në rrafshin global.
Sondazhet në SHBA tregojnë për një garë të ngushtë në mes demokrates kamala Harris dhe republikanit Donald Trump.
Por, si do të votonin shoqëritë e vendeve evropiane në rast se do të merrnin pjesë në ato zgjedhje, një sondazh i Gallup international Association, tregon se shumica e evropianëve do të votonin për Kamala Harris.
Në mesin e këtyre vendeve edhe Kosova do të votonte për Harris, që sipas sondazhit e ka përkrahjen 55%, kundrejt 27% sa do të votonin për Trumpin, sipas sondazhit.
Në një përqindje të lartë për Harris do të votonin edhe vende tjera evropiane si Danimarka 85%, Finlanda 82%, Norvegjia 81%, Suedia 81% – shtete që njihen për nivel të lartë emancipues shoqëror, dhe përafrim me vlerat e demokracisë liberale që Partia Demokrate në SHBA kryesisht i përqafon.
Ndërkaq, për Trumpin sipas sondazhit do të votonin vetëm tetë vende evropiane, në mesin e tyre edhe Serbia që bashkë me Hungarinë kanë nivelin më të lartë të mbështetjes për Trumpin. Sipas sondazhit 59% e serbëve do të votonin për Trumpin.
Njësoj edhe shtetasit e Rusisë do ta bënin të njëjtën, me 43% mbështetje. Në këtë listë janë edhe Gjeorgjia, Moldavia – shtete që përafrohen botëkuptimisht me pikëpamje konservatore që Trump promovon.
- Çështja FIFA, edhe CONMEBOL del kundër Infantinos: Jemi të shqetësuar, futbolli është i të gjithëve - 06/08/2026
- Video/ Një tjetër yll i Spanjës mban fjalën, lyen flokët ngjyrë rozë pas triumfit në Botërorin e Amerikës - 06/08/2026
- ‘Kemi humbur besimin te Infantino’/ UEFA konfirmon bojkotin e saj ndaj FIFA - 06/08/2026