Dëgjesat me qytetarët për problematikat e tyre, nismë e qeverisë e njohur si ‘Prania Besnike’, vijon sërish pasditen e sotme suipas kalendarit të përcaktuar (çdo të premte).
Kryeministri Edi Rama ka ndarë një njoftim se takimet zhvillohen në orën 17:00 në të gjithë Shqipërinë.
Kujtojmë që javën e kaluar, kryeministri nuk mori pjesë në ndonjë prej takimeve pasi ndodhej në Asamblenë e OKB-së në SHBA.
“Mirëmëngjes, dhe me të premten e Pranisë Besnike, që sot vijon në orën 17.00 në të gjithë Shqipërinë, ju uroj një ditë të mbarë”, shkruan Rama.
Mekanizmi i ri komunikimi me qytetarët erdhi si rrjedhojë e protestës së vazhdueshme të qytetarëve, që sipas Ramës, s’janë dëgjuar dhe janë shpërfilluar nga funksionarët.
“Dëgjesat janë kusht për përgjigje, do jemi të gjithë aty ku kërkon Prania Besnike”, shprehet kryeministri mes të tjerash.
Ndërkohë në shërbim të qytetarëve është dhe platforma ‘PasqyrëAlbania’, e prezantuar nga kryeministri Edi Rama në Pogradec. Platforma do të funksionojë përmes dy sektorëve, “Flamingo Albania” dhe “Radar”.
“Flamingo Albania” do të mbledhë të gjitha problematikat e qytetarëve që nuk kanë marrë zgjidhje nga administrata. Ankesat dhe kërkesat do të kalojnë në këtë sistem për t’u adresuar tek institucionet përgjegjëse. “Radar” do të shërbejë për gjurmimin e tyre në kohë reale se ku ndodhet ankesa, cili institucion po e trajton dhe në çfarë faze është zgjidhja e saj.
Synimi është që problematikat e qytetarëve të marrin zgjidhje brenda dy javësh.
- 85 vota pro Reformës Territoriale/ Kuvendi e miraton pas një seance maratonë - 09/10/2026
- Tensione në Kuvend gjatë votimit për reformën territoriale, Bardhi hedh ujë dhe sende të forta drejt deputetëve të PS dhe Ramës - 09/10/2026
- “Ja e vërteta për projektin e Zvërnecit”/ Jared Kushner i jep fund spekulimeve: Nëse miratohet, shqiptarët do të jenë krenarë dhe do e shijojnë për breza me radhë - 08/10/2026