12 emigrantët që mbërritën të mërkurën në Shqipëri me anije do të duhet të kthehen përsëri në Itali, sipas një vendimi të Gjykatës së Romës.
Verdikti u bë i njohur të premten nga Seksioni për Emigracionin në Gjykatën e kryeqytetit italian.
“Dy vendet nga të cilën e kanë prejardhjen emigrantët, Bangladeshi dhe Egjipti, nuk janë vende të siguria edhe në bazë të Gjykatës së Drejtësisë,” shprehet një nga gjyqtarët e tribunalit të Romës, duke iu referuar emigrantëve që pak orë më parë u vendosën përkohësisht në kampin e Gjadrit.
Vetëm 12 prej tyre arritën të kalonin verifikimet paraprake, ndërsa 4 emigrantë u rikthyen që të mërkurën pasi ishin minorenë ose nuk përmbushnin kushtet e qëndrimit të parashikuara në marrëveshjen origjinale për strehim mes Shqipërisë dhe Italisë.
Riatdhesimi i personave mund të bëhet ditën e shtunë përmes një anijeje, e cila pritet t’i marrë në Portin e Shëngjinit dhe t’i dërgojë në Itali.
- Fiaskoja e shtrenjtë e Elon Musk, dhuroi 474 milionë dollarë dhe humbi mburojën e tij politike në Teksas - 05/11/2026
- Disfata në zgjedhje, Vance nis lëvizjet për epokën pas Trump, kritikon hapur luftën me Iranin: Me sytë nga 2028, humbëm për këtë arsye - 05/11/2026
- Disfata në zgjedhjet e mesmandatit/ Republikanët pranojnë humbjen: Rezultati shumë më i keq nga sa prisnim - 05/11/2026