Parlamenti Europian voton sot raportet për Kosovën, Bosnje Hercegovinën dhe Serbinë, që ishin miratuar para një muaji në Komisionin e Politikës së Jashtme.
Liberalizimi i vizave për qytetarët e Kosovës, përparimi i dialogut Kosovë-Serbi dhe njohja e pavarësisë së Kosovës ishin ne fokus të raportit të deputetes gjermane Cramon. Nga Serbia, në raport kërkohet që të mbështen qëndrimet e BE ndaj Rusisë, përfshirë edhe sanksionet.
Raportin për Kosovën e ka përgatitur eurodeputetja gjermane Viola von Cramon, e cila ka vënë theksin tek dialogu me Serbinë dhe liberalizimin e vizave.
Sipas saj, pa arritjen e marrëveshjes me Serbinë, pranimi në Bashkimin Europian nuk do të ndodhë për Kosovën.
Von Cramon është shprehur se është i nevojshëm liberalizimi i vizave për Kosovën, pasi janë plotësuar të gjitha kushtet.
Nga Serbia në raport do të kërkohet që të mbështet qëndrimet e BE-së ndaj Rusisë dhe agresionit ndaj Ukrainës, përfshirë edhe sanksionet që Bashkimi Evropian i ka vendosur kundër Moskës.
Serbia është i vetmi shtet në rajon që nuk ka vendosur sanksione ndaj Moskës, pas fillimit të luftës në Ukrainë.
- “50 milionë euro fitim vetëm nga ne”/ Skema e mashtrimit me call center në Tiranë, media greke zbulon se si ranë pre qytetarët e saj: Investonin 500 euro, pastaj… - 05/05/2026
- Thaçi ‘shkund’ politikanët: Jam krenar me Kosovën, por jo fytyrën e saj në botë - 05/05/2026
- Sot 5 Maji, krerët e shtetit homazhe në Varrezat e Dëshmorëve! Rama: Të paharrueshëm… - 05/05/2026