Rreth 900 dosje, pjesa më e madhe e të cilave civile, pas mbylljes së Gjykatës së Apelit në Korçë do të tranferohen në Gjykatën e Apelit në Tiranë.
Mbyllja e Gjykatës së Apelit në Korçë, për kryetarin e dhomës së avokatisë Arben Lena, do të cënojë aksesin në drejtësi dhe do të sjellë kosto shtesë për qytetarët.
Por një kosto e shtuar sipas Lenës do të jetë edhe për të gjithë avokatët e kësaj dhome, pasi do të jenë të detyruar të shkojnë në kryeqytet për të bërë mbrojtjen juridike për klientët e tyre.
Sipas kryetarit të dhomës së avokatisë, Arben Lena, mbyllja e Gjykatës së Apelit në Korçë, është një humbje social juridike dhe social ekonomike për kryeqendrën e juglindjes së vendit.
Për Lenën më e vështirë do të jetë puna për avokatët e Pogradecit pasi në këtë qytet do të mbyllet edhe Gjykata e Rrethit Gjyqësor, çka edhe për avokatin nuk përjashtohet mundësia që një pjesë e mirë e tyre të mos jenë më aktivë në punën e tyre.
Dhoma e avokatisë së Korçës ka 280 avokatë të licensuar dhe vetëm 60 prej tyre ushtrojnë profesionin e avokatit.
Duke nisur nga data 1 shkurt Gjykata e Apelit në Korçë do të mbyllet, dosjet do të transferohen në kryeqytet, ndërkohë që në Korçë do të mbetet vetëm zyra për depozimtimin e ankesave.
