Drejtori i Drejtorisë Rajonale të Trashëgimisë Kulturore Korçë, Gjergji Koki, ka njoftuar se është nënshkruar një marrëveshje e rëndësishme, e cila do të bëjë të mundur restaurimin e disa siteve të trashëgimisë kulturore të prefekturës së Korçës.
Marrëveshja është firmosur mes bashkisë së Manastirit, bashkisë së Pustecit, Qendrës së Muzeve të Manastirit dhe DRTK Korçë.
Nënshkrimi i kësaj marrëveshjeje midis partnerëve do të sjellë fillimin e projektit “Smart4You2” që përfshin restaurimin dhe rehabilitimin e shtegut në Kishën e Shën Marisë në Ishullin e Maligradit, rehabilitimin e sheshit në qendër të Fshatit Gollomboç si dhe rrugën lidhëse të Shtëpisë Muze të Sterjo Spasse.
Ky projekt synon rritjen e ofertës turistike, zhvillimin e qëndrueshëm për komunitetin lokal dhe rajonin ndërkufitar të Prespës.