“Agnesa e Zotit” është një dramë e vitit 1979 nga dramaturgu amerikan John Pielmeier, i cili tregon historinë e një murgeshe të re (Laura Nezha) që lind një fëmijë në manastir, por nuk beson se ka lindur dhe këmbëngul se foshnja erdhi si rezultat i një konceptimi të virgjër. Pasi fëmija gjendet i vdekur, një mjeke psikiatre (Eni Jani) dhe nëna eprore e kuvendit (Violeta Trebicka) përleshen gjatë hetimit për zbardhjen e ngjarjes. Psikiatria Marta lëviz nga edukatorja te antagonistja, nga psikiatria me hundë të fortë ateisteje, te shëruesja që kërkon besim. Ajo na ofron jo vetëm sfondin e ngjarjeve, por edhe një histori personale. Nëna Eprore Miriam Ruth duke pretenduar se motër Agnes nuk e kupton atë që ndodhi, duhet të shpjegojë mundësitë e mrekullive duke njohur realitetet e botës së sotme. Ajo vepron shpejt për të kufizuar përpjekjet e Livingstone përpara se të zbulohet e vërteta. Motër Agnesa, përmes një koreografie emocionale, paraqet një shpirt të bukur, por të munduar, edukimi abuziv i së cilës ka ndikuar në aftësinë e saj për të menduar racionalisht. Regjisori Londo është kujdesur për një prekje dhe thellësi delikate, plot emocion dhe tërheqje. Përkthyesi Lena me gjuhën e përdorur provokon mendime dhe dëshmon se është një përkthyes i madh i veprave me potencë të rrallë. Autori Pielmeier përmes ngjarjeve të bujshme eksploron natyrën e fuqisë së Zotit në tokë nëpërmjet një pamje humaniste. “Agnesa e Zotit” është një labirinth i ndërlikuar, një betejë midis botës së fesë dhe shkencës, faktit dhe besimit. Titulli “Agnes of God” lidhet me frazën latine Agnus Dei – “qengji i Zotit”.
