Temperaturat e larta dhe mungesa e dëborës ka bërë që Dardha të jetë pak e vizitueshme gjatë kësaj periudhe. Turistët kryesisht shkojnë në Dardhë për sportin e skive, por këtë vit numri i tyre ka qenë shumë i ulët, pasi mungesa e reshjeve të borës ka bërë që pista e skive të mos vihet në funksion.
Thoma Tasho, administrator i pistës së skive, thotë se ky është viti i parë në 20 vite që ai merret me këtë biznes, që po përjetojnë këtë krizë, duke i detyruar të mendojnë për alternativa të tjera, pasi është e pamundur të vazhdojnë të investojnë në këtë sektor.
Sipas Tashos gjatë këtyre ditëve të para të janarit numri i turistëve që kanë vizituar Dardhën ka qënë i ulët, pasi interesi i tyre është të ushtrojnë sportin e skive.
Tasho shton më tej se dëmi ekonomik për këtë biznes do të jetë tejet i madh.
Ky do të jetë një dimër i vështirë edhe për bizneset e tjera që operojnë në Dardhë, si restorante e hotele, nisur edhe nga eksperienca e vendeve fqinje, pasi ndryshimi i kushteve atmosferike ndikon ndjeshëm tek zonat me turizëm malor.
Pista e Skive në Dardhë është e vetmja e këtij lloji në juglindje të vendit, e cila ndër vite ka tërhequr vëmendjen e turistëve vendas e të huaj. Dikur një nga fshatrat i cili mbulohej tërësisht nga bora, këtë vit Dardha duket se vuan mungesën e reshjeve të dëborës, e rrjedhimisht mungesën e turistëve.
- Demokrati Zohran Mamdani zgjidhet kryebashkiak i Nju Jorkut, i pari mysliman në histori - 05/11/2025
- Progres raporti i KE, Rama ndan deklaratën e Marta Kos: Do të bëjmë gjithçka për t’u ulur si të barabartë në tryezën e BE - 04/11/2025
- Sot, afati i fundit për dorëzimin e aplikimeve/ Zbardhen emrat e kandidatëve për postin e Avokatit të Popullit - 03/11/2025