Ndërsa pritej nisja e seancës gjyqësore që do të njohë me masën e sigurisë kreun e PL-së Ilir Meta, Monika Kryemadhin e dy bashkëpunëtorët e tyre, gazeta TemA ka siguruar një video ku Meta shihet ndërsa qëndron i ulur mes efektivëve të policisë , ndërsa Kryemadhi hyn në sallën e gjyqit.
Akuza e korrupsionit, pastrimit të parave dhe fshehjes së pasurisë janë veprat penale që me urdhër të Prokurorisë së Posaçme çuan në pranga ish-presidentin Ilir Meta.
Ndaj Metës është caktuar masa e arrestit në burg, ndërsa prej disa vitesh është hetuar për dosjen CEZ DIA dhe për burimin e parave për lobimin në Shtetet e Bashkuara të Amerikës të Partisë Levizja Socialiste për Integrim.
Me kërkesë të SPAK, Gjykata e Posaçme ka caktuar masën detyrim paraqitje për Monika Kryemadhin. Edhe për këtë të fundit SPAK ka dyshime se është përfshirë në korrupsion, pastrim parash dhe fshehje të pasurisë.
- Si Kina po përfiton nga dobësimi gradual i Shteteve të Bashkuara - 15/05/2026
- Italia me rregull të ri! Nga nesër skuterët elektrikë me targë, kush nuk e vendos merr gjobë 400 euro - 15/05/2026
- Rama nga Estonia: Europa duhet të flasë me Vladimir Vladimiroviçin, për t’i dhënë fund luftës në Ukrainë - 15/05/2026