Ylli i muzikës Pop, Liam Payne, nuk jeton më.
31-vjeçari, i cili u bë i famshëm si pjesë e grupit One Direction, humbi tragjikisht jetën pasi ra nga kati i tretë i hotelit në Buenos Aires të Argjentinës.
Momentalisht është e paqartë nëse Payne ra aksidentalisht, apo u hodh nga ballkoni i hotelit CasaSur Palermo.
Duke cituar mediat lokale, agjencia e lajmeve Reuters shkruan se pak para ngjarjes, policia kishte marrë raportime nga hoteli për një person “që po sillej në mënyrë agresive dhe që mund të ishte nën efektin e drogës apo alkoolit”.
Ngjarja e rëndë ndodhi rreth orës 17:00, me orën lokale. 31-vjeçari gjeti vdekjen në vendin e ngjarjes.
Vdekja e Payne është pa dyshim një lajm tronditës për fansat e shumtë të One Direction, që për një periudhë kohe ishin banda më e famshme muzikore e Pop-it në botë.
Grupi britanik One Direction mori famë pas pjesëmarrjes në X Factor, në 2010-n. Ata patën disa hite botërore derisa u ndanë në 2016-n.
Besohet se Payne ndodhej në Argjentinë për pushime me të dashurën e tij Kate Cassidy.
- “Një ballist që…”/ Shehaj rrëmbeu dokumentin e klasifikuar të marrëveshjes me SHBA-në, reagon Rama: Uroj po nuk shpresoj që prokuroria t’i tregojë vendin - 27/07/2026
- “I papërshtatshëm për të drejtuar futbollin”/ Reagimi i Presidentit të FIFA-s pas Kupës së Botës të mbushur me hije dhe bileta 1 milion dollarë - 27/07/2026
- Mbi 600 ushtarë amerikanë të plagosur që nga fillimi i konfliktit me Iranin, Pentagoni bën bilancin, ulet numri i të vdekurve - 27/07/2026