Një tërmet me magnitudë 4,1 i shkallës rihter është regjistruar në orët e vona të së enjtes në Xhenova të Italisë, duke shkaktuar frikë te banorët. Tërmeti ishte me një thellësi prej 10 kilometrash.
Shumë qytetarë dolën në rrugë, ndërsa u pezullua përkohësisht lëvizja e trenave midis Genoa Brignole dhe Santa Margherita Ligure. Për fat të mirë, nuk ka pasur raportime për dëme materiale.
“Isha në shtëpi dhe ndjeva një goditje të fortë. Gjithaçka filloi të lëkundet. Tërmeti shkaktoi shumë frikë, por fatmirësisht pa dëme dhe pa të lënduar. Jam i tronditur. Qytetarët po kthehen tashmë në banesat e tyre”, tha kryebashkiaku i Bargagli, ku ishte edhe epiqendra e tërmetit.
Ndërkohë, gjatë së enjtes janë regjistruar edhe disa lëkundje më të lehta tërmeti në zonat e Marche dhe Modenese.
- Debate te Konferenca e Kryetarëve, Bardhi përplaset me Peleshin për magjistratët: Zbatoni vendimin e Kushtetueses, gjyqtarët janë pa paga! - 08/09/2026
- Konflikti për pagat e magjistratëve, Administrata e Dhomës Civile të Gjykatës së Tiranës hyn në bojkot, bllokohen shërbimet! - 08/09/2026
- “Berisha asnjë takim diplomatik”- Alesia Balliu: Saliu në SHBA shkoi vetëm për të bërë foto propagandë, është ende “non grata”! - 08/09/2026