Korça është qarku me më pak problematika lidhur me ndërtimet informale dhe pushtimin e tokës. Burime pranë drejtorisë vendore të Agjencisë Shtetërore të Kadastrës bëjnë me dije se procesi i legalizimit të objekteve informale në qarkun e Korçës po ecën me ritme të mira dhe është drejt përmbylljes.
Rodiona Kame juriste pranë kësaj drejtorie thotë se pjesa më e madhe e dosjeve vetdeklaruese tashmë janë finalizuar. Sipas saj procesi i legalizimeve ka përfunduar në rreth 80% të territorit në bashkinë e Maliqit, teksa puna vijon edhe në bashkinë e Korçës.
Kame shton më tej se puna në bashkinë e Korçës do të vijojë për shkak edhe të specifikave, pasi përveç ndërtimeve të reja, në qytet ka edhe ndërtesa që janë ndërtuar para viteve 91’ dhe poseduesit e tyre nuk janë të pajisur me tituj pronësie dhe për këtë kategori ka patur mjaft aplikime të cilat janë duke u shqyrtuar nga specialistët e sektorit të legalizimeve.
- Ndezje flakadanësh e thirrje për dhunë, ‘Etika’ përjashton me 10 ditë Berishën! Me 60 ditë 5 të tjerë - 30/10/2026
- Ndahet nga jeta në moshën 78-vjeçare diplomati dhe ish-deputeti Bashkim Zeneli - 30/10/2026
- Konsultimet me Presidentin, Tom Doshi propozon datën për mbajtjen e zgjedhjeve lokale - 30/10/2026