Lajmi që Romelu Lukaku i ka dhënë fjalën Juventusit dhe i ka mbyllur telefonin Interit erdhi si një rrufe në qiell të hapur për tifozerinë zikaltër, që priste rikthimin e sulmuesit nën urdhrat e Simone Inzaghit.
Në rrjetet sociale ka shpërthyer menjëherë sulmi i tifozerisë zikaltër, që ndihet e tradhtuar për herë të dytë nga sulmuesi belg, i cili dy vite më parë u largua befasisht, pasi zgjodhi milionat e ofruara nga Chelsea.
E nëse atëherë në Milano ia falën, këtë herë duket se nuk do të ndodhë e njëjta gjë, pasi Lukaku si më i urryer edhe se Mauro Icardi, që u përplas disa herë me tifozerinë zikaltër deri sa u largua.
Duke e cilësuar një mercenar që vrapon pas parasë, tifozët zikaltër nuk kanë ngurruar të nxjerrin edhe foto e videot e Lukakut në derbin ndaj Juventusit në Kupën e Italisë, në prill të këtij viti, ku tifozët bardhezi sulmuan belgun me kore të shumta raciste.
Ndërkohë, një pjesë e madhe e tifozëve të Interit, bëjnë apel që drejtuesit zikaltër të heqin orë njëherë e mirë nga belgu dhe të fokusohen në profile të tjera lojtarësh.
- Cili do ta fitojë i pari luftën, Bordi i Paqes apo Bordi i Transparencës?! - 31/03/2026
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026