Prokuroria e Posaçme i është rikthyer marrjes së dëshmive për privatizimin e ish-kompleksit “Partizani” në Tiranë. Dëshmitari i radhës ishte Isa Tare, ish drejtor i kompleksit.
Ai ka dëshmuar për privatizimin pasi në atë periudhë ka qënë përgjegjës i klubit sportive ndërkohë që më herët janë pyetur për këtë çështje edhe Fatmir Mediu dhe Genc Ruli
Ish-drejtori i klubit Partizani, Isa Tarë është dëshmitari I radhës që u pyet nga Spak në lidhje me hetimin e nisur për privatizimin e kompleksit Partizani.
Për më shumë se 1 orë babai i ish-futbollistit Igli Tare ka qëndruar në prokurori ku ka dhënë shpjegimet e tij.
Sipas burimeve ai mësohet se ka treguar për cështjen e prishjes së kompleksit pasi në atë periudhë ai ka shërbyer si drejtor sportive i klubit.
Kallëzimi për këtë çështje është bërë nga kryetari i grupit parlamentar të Partisë Socialiste, Taulant Balla.
Më herët për këtë aferë i thirrur për të dëshmuar ka qënë edhe ish-ministri i mbrojtjes Fatmir Mediu dhe ish-ministri i ekonomisë Genc Ruli të cilët janë pyetur si persona që ka dijeni për rrethanat e privatizimit të “Kompleksit Partizani”.
Më 17 nëntor 2020 Kreu i grupit parlamentar të PS, Taulant Balla, dorëzoi në SPAK padi penale për privatizimin e kompleksit “Partizani”.
Ai akuzoi ish-kryeministrin Sali Berisha, ish-ministrin e Mbrojtjes Arben Imami dhe anëtarë të tjerë të qeverisë së drejtuar nga ish kryeministri Berisha, përfshirë edhe dhendërrin e tij Jamarbër Malltezi si përfitues direkt të kësaj prone.
Sipas Ballës në këtë aferë janë implikuar edhe drejtues të shtabit të ushtrisë shqiptare bashkë me administratorët dhe aksionerët e dy kompanive ndërtuese.
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026
- Raporti Rama-Meloni, politikani italian: Është një raport motër-vëlla, mes Italisë dhe Shqipërisë - 17/03/2026