KFOR-i ka mirëpritur vendimin për heqjen e barrikadave në veri të Kosovës pas 20 ditësh që kishin bllokuar qarkullimin në disa rrugë kryesore.
Në një njoftim për mediat thuhet se heqja e barrikadave duhet të bëherë në mënyrë të shpejt dhe të sigurt në mënyrë që mos të ketë incidente apo rreziqe.
KFOR thotë se do të ndërhyjë nëse është e nevojshme.
“Të gjitha palët duhet të shmangin çdo retorikë apo veprim që mund të shkaktojë përshkallëzim të mëtejshëm. KFOR-i po monitoron nga afër zhvillimet. Ne mbetemi jashtëzakonisht vigjilentë dhe të gatshëm për të ndërhyrë, nëse është e nevojshme, në përputhje me mandatin tonë të bazuar në Rezolutën 1244 të 1999”, thuhet në komunikatë.