Kreu i Partisë Demokratike, Sali Berisha rifitoi lirinë pas 11 muajsh në arrest shtëpie, i hetuar për privatizimin e ish-kompleksit Partizani, por për gazetarin Poli Hoxha problemet e ish-kryeministrit me drejtësinë nuk kanë mbaruar.
Në studion e emisionit “3D” në RTSH ai tha se çështja e 21 Janarit është një tjetër “gur” në duart e SPAK, teksa theksoi se nëse Berisha merret i pandehur, ka prova të mjaftueshme që ndaj tij të caktohet një masë sigurie.
“Kjo çështja juridike për Berishën sapo ka filluar. Bëhet fjalë për një dosje e cila ka edhe disa fashikuj të rëndë për fshehje të pasurisë. Është hera e parë që dhëndrin, Jamarbër Malltezin e veçojnë. Shkoi vetëm Berisha për herë të parë, ndërkohë që ata bashkë i kanë çuar, një çështje. Nuk ka kuptim logjik që gjyqtarja që ka në dorë një çështje tjetër me afat deri në datë 14, ka një konflikt interesi sepse kundërshtarët e Berishës, nëse ajo e kthen dosjen, do e vënë në dyshim. Nuk ka pse i njëjti gjyqtar të merret me këto të dyja. SPAK ka edhe një gur tjetër në dorë që në dijeninë time po ecën shumë shpejt, hetimi i 21 Janarit. Dhe nëse e merr të pandehur, sepse nën hetim e ka, nëse e merr të pandehur, ka prova për masë. Berisha e ka precedentin që nuk la gardistët të shkonin, u konfliktua me prokuroren e përgjithshme për provat”, u shpreh ai.
- Çfarë thuhet në njoftimin e plotë të Gjykatës Kushtetuese për vendimmarrjen e çështjes Balluku - 06/02/2026
- Vendimi 4-4 në Kushtetuese për Ballukun, cilët gjyqtarë votuan pro dhe kundër - 06/02/2026
- Kushtetuesja nuk merr dot vendim për padinë e Ramës, ngelet në fuqi pezullimi i Ballukut nga detyra - 06/02/2026