FOTOT që po bëjnë xhiron e botës, grekët marrin kafshët në krah për t’i shpëtuar nga zjarret

Greqia është një nga vendet më të goditura nga zjarret e fuqishme që kanë përfshirë rajone të tëra gjatë ditëve të fundit, të nxitura nga temperaturat ekstreme.

Një nga zonat më të prekura është Achaea, një qendër rajonale në Greqinë Perëndimore, e cila është përballur me pasoja të rënda nga flakët që kanë përfshirë pyje, toka bujqësore dhe banesa.

Banorët, në përpjekje për të shpëtuar gjithçka që mundin, janë parë duke marrë në krah kafshët shtëpiake, bagëtinë dhe çdo krijesë të gjallë, duke i larguar me nxitim nga zona e rrezikut.