Rusia pretendon se Ukraina po planifikon të përdorë një bombë, një pajisje që përmban material radioaktiv si dhe eksplozivë.
Nga ana e saj Ukraina ka hedhur poshtë akuzat e Rusisë, së bashku me Francën, Britaninë e Madhe dhe SHBA-në.
BBC sjell një pasqyrim të plotë duke parashtruar akuzat dhe kundër akuzat mes palëve.
Deklaratat nga ana e Rusisë?
Ministri rus i mbrojtjes, Sergei Shoigu i tha sekretarit të mbrojtjes së Mbretërisë së Bashkuar, Ben Wallace, në një telefonatë se ai ishte “i shqetësuar për provokimet nga Kievi që përfshinin përdorimin e një bombe të tillë”.
Ai gjithashtu bëri deklarata të ngjashme edhe ndaj SHBA-së, Francës dhe Turqisë.
Rusia, gjithashtu ka pretenduar në Këshillin e Sigurimit të Kombeve të Bashkuara se përdorimi i një bombe të tillë do të ishte një akt terrorizmi bërthamor .
Por komentet e saj janë hedhur poshtë nga ministrat e jashtëm të Francës, Britanisë së Madhe dhe SHBA-së, të cilët thanë se Rusia kishte bërë “akuza të rreme”.
Nga ana tjetër Presidenti i Ukrainës, Volodymir Zelensky akuzoi Rusinë se është “burimi i gjithçkaje të pistë që mund të imagjinohet në këtë luftë”.