Rusia ndërmori gjatë natës sulme me dronë dhe raketa kundër Ukrainës pavarësisht bisedimeve trepalëshe me Shtetet e Bashkuara që nisën të premten e vijojnë edhe sot në Abu Dabi me qëllim mbylljen e luftës.
Delegacione nga Rusia, Ukraina dhe SHBA-ja u mblodhën për bisedimet e para të këtij formati që kur Moska nisi pushtimin e plotë të vendit fqinj në vitin 2022. Nga sulmet e fundit humbi jetën një person e u plagosën mbi 20 të tjerë.
Shënjestra e sulmneve ishin kryesisht Kievi e Harkivi, dhe infrastruktura e tyre energjetike. Mësymja ruse la me mijëra ukrainas pa energji elektrike dhe ngrohje, në temperatura nën zero. Zyrtarë vendas e akuzuan presidentin rus Vladimir Putin se po vepron në mënyrë cinike, duke sulmuar në mënyrë barbare vendin ndërkohë që negociatat janë në proces. Presidenti Volodymyr Zelensky u shpreh se është ende herët për të nxjerrë përfundime nga bisedimet, por i kërkoi Rusisë të tregojë realisht gatishmëri për paqe.
Pengesa kryesore për një marrëveshje mbetet kërkesa e Moskës që Ukraina të dorëzojë territore në rajonin lindor të Donbasit, të cilën Kievi e refuzon kategorikisht. Ndërkohë, Rusia deklaron se mbetet e hapur për zgjidhje diplomatike, por thotë se do të vazhdojë operacionet ushtarake për sa kohë që bisedimet nuk sjellin rezultat.
- LIVE/ 1300 policë për protestën e opozitës, Berisha mbërrin te Kryeministria, Boçi: Të shprehim revoltën dhe zemërimin tonë - 24/01/2026
- E pabesueshme, Bayern Munich pëson humbjen e parë në Bundesligë, të pathyeshëm që nga muaji mars - 24/01/2026
- Bisedimet trepalëshe në Abu Dhabi/ Rusia sulmon Ukrainën, Kievi: Putini cinik, sulmi barbar - 24/01/2026