Policia rumune i ka sekuestruar 11 makina luksoze Andrew Tate dhe vëllait të tij Tristan pasi dyshja u arrestuan pak ditë më parë.
Makinat u sekuestruan menjëherë pas arrestimit për trafikim të qenieve njerëzore. Gazeta rumune e lajmeve Gandul publikoi fotot ku tregoheshin 11 makinat, me vlerë të mundshme miliona paund, në rrugën e pronës së Tate në Bukuresht. Nëse konstatohet se janë blerë me veprimtari kriminale nga vëllezërit, mjetet luksoze mund të përfundojnë në duart e autoriteteve, raporton Independent.co.uk.