Doktori epidemiolog, Ilir Alimehmeti, thotë se pandemia, në Shqipëri, por edhe në të gjithë botën, po shkon drejt fundit. “Aktualisht, në të gjithë botën, numrat e të shtruarve në spitale, janë virtualisht bosh. Te ne janë vetëm 6 persona në spital,” – tha ai në studion e Ditarit në A2 CNN.
Sipas tij, kjo mund të konstatohet për shkak të 3 elementeve. “Së pari, kemi një nënvariant, fatmirësisht gjithmonë e më pak i rrezikshëm. Nuk po shohim më variante të tjera. Së dyti, imuniteti kolektiv që është ndërtuar, i përbërë. Imuniteti natyror mban, kemi gjithmonë e më shumë prova për këtë. Dhe imuniteti vaksinor, këtu ka luajtur një rol më të ulët, sepse nuk është aq i përhapur sa virusi. Dhe e treta, kemi mësuar edhe ne se si të sillemi me sëmundjen, kemi mësuar cilat ilaçet duheshin marrë e cilat jo, ai paniku që e mbani mend, gjatë fazave të ndryshme ku njerëzit pinin ilaçe me grushte që në ditët e parë, pa lënë trupin, imunitetin, që ta mundë virusin, siç do të ndodhte në të paktën 90% të rasteve”.
Megjithatë, sipas tij, vetëm përcaktimi zyrtar i pandemisë është i njëjtë për të gjithë shtetet. “Dalja nga pandemia nuk është e thenë të jetë e gjithë bllok. Përgjithësisht vendimi është politik dhe social-ekonomik. Këtë nivel dëmi, unë si shoqëri, jam i gatshëm të përballem dhe të bashkëjetoj me të. Pra është njëlloj si duhani. Jemi dakord që ta lejojmë, dimë që shkakton sëmundje”, shtoi Alimehmeti.
Ai shtoi se Shqipëria, fazën akute e ka mbyllur në mars. “Nuk është e rëndësishme sa njerëz pozitv kemi, por sa shkojnë në spital. Sipas shifrave zyrtare, 1 në 9 e kanë kaluar virusin, por në jetën tonë, zor se gjejmë njeri që nuk e ka kaluar të paktën një herë”.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024