Sekretarja e përgjithshme e Amnesty International, Agnes Callamard, ka reaguar ashpër ndaj deklaratave të fundit të Donald Trump për Iranin, duke paralajmëruar se retorika e tij po përshkallëzohet dhe po bëhet gjithnjë e më e rrezikshme.
Në një reagim publik në rrjetin social X, Callamard theksoi se këto deklarata nuk janë thjesht fjalë, por mund të kenë pasoja reale në terren. Sipas saj, një gjuhë e tillë mund të çojë në sulme të synuara apo të pakontrolluara ndaj civilëve dhe infrastrukturës civile.
“Si mund të mbrohen njerëzit nga diçka që paraqitet si kërcënim ekzistencial? Është thjesht e frikshme,” u shpreh ajo.
Duke ngritur shqetësimin për përshkallëzimin e situatës në rajon, Callamard shtroi pyetjen: “Ku do të përfundojë kjo?” Ajo paralajmëroi se tensionet po rriten në mënyrë të vazhdueshme dhe se viktimat kryesore janë popullsitë civile në vende si Irani, Libani, Izraeli dhe shtetet e Gjirit.
- 85 vota pro Reformës Territoriale/ Kuvendi e miraton pas një seance maratonë - 09/10/2026
- Tensione në Kuvend gjatë votimit për reformën territoriale, Bardhi hedh ujë dhe sende të forta drejt deputetëve të PS dhe Ramës - 09/10/2026
- “Ja e vërteta për projektin e Zvërnecit”/ Jared Kushner i jep fund spekulimeve: Nëse miratohet, shqiptarët do të jenë krenarë dhe do e shijojnë për breza me radhë - 08/10/2026