Mungesa e trupave gjykuese në gjykatën e Apelit të Korçës, ka sjellë shtyrje përtej afateve kryesisht të çeshtjeve civile.
Kryetari i dhomës së Avokatisë së Korçës, Arben Lena bën me dije se që nga viti 2019 nga ana e kësaj gjykate nuk janë gjykuar çështje civile, duke krijuar një stok prej rreth 2500 çështjesh të pashqyrtuara. E gjithë kjo sipas tij vjen për shkak të ngarkesës së dosjeve për shqyrtim dhe mungesës së trupave gjykuese të kësaj gjykate.
Gjykata e Apelit të Korçës vetëm dy ditë më parë është plotësuar me një trupë gjykuese që edhe për avokatin Lena është e pa mjaftueshme për të gjykuar çështjet e shumta që presin shqyrtimin.
Momentalisht pranë kësaj gjykate, sipas Lenës gjykohen vetëm masat e sigurisë, çështjet penale dhe masat e sigurisë së padive dhe rrallë ndonjë çështje civile.
Gjykata e Apelit në Korçë ka funksionuar me dy trupa gjykuese me nga tre gjyqtarë secila, ndërkohë që momentalisht ka vetëm një trupë dhe ajo plotësohet me gjyqtarë të komanduar.
- Porosia e kahershme dhe aktuale e Faik Konicës: Shqiptarët duhet të mësojnë të duan Shqipërinë - 29/10/2026
- Ish-ministri kërkon pafajësinë, Gjykata e Lartë cakton 10 dhjetorin për shqyrtimin e çështjes së Saimir Tahirit - 29/10/2026
- Sondazhet alarmuese/ Zgjedhjet e mesmandatit në SHBA, ekspertët: Testi më i rrezikshëm i Donald Trump, ja çfarë pritet të ndodhë! - 29/10/2026