Presidenti rus, Vladimir Putin, ka mbikëqyrur stërvitjet vjetore bërthamore të forcave strategjike bërthamore të Rusisë, në kohën e rritjes së tensioneve me Perëndimin, pas nisjes së luftës në Ukrainë.
Raketat balistike dhe ato lundruese janë nisur nga lindja e largët e Rusisë dhe Arktiku, ka thënë Kremlini.
Shtetet e Bashkuara janë njoftuar për këto stërvitje, sipas traktatit për armët, Starti i Ri.
Këto testime janë kryer teksa Rusia ka bërë pretendime të pabazuara se Ukraina është duke planifikuar përdorimin e “bombave ndotëse”.
Bombat ndotëse janë pajisje shpërthyese, të përziera me material radioaktiv.