Nën kujdesin e veçantë të Drejtorit të Përgjithshëm të Policisë së Shtetit, Drejtues Madhor Ilir Proda, në të gjitha Drejtoritë Vendore të Policisë në qarqe janë zhvilluar aktivitete festive me familjarët e dëshmorëve të Policisë.
“Këto takime simbolike, të organizuara në prag të festave të fundvitit, erdhën si shprehje e mirënjohjes së thellë për sakrificën sublime të punonjësve që dhanë jetën në krye të detyrës, duke u shpallur Dëshmorë të Atdheut.“, thuhet në njoftimin për shtyp.
Në mesazhin e përcjellë gjatë këtyre aktiviteteve, u theksua se mbështetja morale dhe institucionale mbetet prioritet absolut i Drejtorit të Përgjithshëm.
Qëllimi është që familjarët të mos ndihen asnjëherë vetëm, por të jenë gjithmonë të rrethuar nga respekti dhe përkrahja e “familjes së madhe” të Policisë së Shtetit.
Nga ana e tyre, familjarët e dëshmorëve shprehën falënderimet për Drejtorin Ilir Proda dhe drejtuesit në qarqe, duke vlerësuar faktin se kujdesi ndaj tyre nuk kufizohet vetëm në ditët festive, por është i vazhdueshëm.
- “Një ballist që…”/ Shehaj rrëmbeu dokumentin e klasifikuar të marrëveshjes me SHBA-në, reagon Rama: Uroj po nuk shpresoj që prokuroria t’i tregojë vendin - 27/07/2026
- “I papërshtatshëm për të drejtuar futbollin”/ Reagimi i Presidentit të FIFA-s pas Kupës së Botës të mbushur me hije dhe bileta 1 milion dollarë - 27/07/2026
- Mbi 600 ushtarë amerikanë të plagosur që nga fillimi i konfliktit me Iranin, Pentagoni bën bilancin, ulet numri i të vdekurve - 27/07/2026