Aeroporti i Rinasit ka dalë me një njoftim të rëndësishëm për qytetarët sa i përket, datës 16 maj, kur në Tiranë do të zhvillohen punimet e samitit të Komunitetit Politik Europian.
Duke qenë se në kryeqytet do të zbarkojnë të gjithë liderët e Bashkimit Europian, masa të rrepta sigurie janë ndërmarrë dhe një numër i madh rrugësh do të jenë të bllokuara.
TIA sqaron se aksesi në aeroport do të sigurohet përmes rrugëve dytësore dhe jo autostradës Tiranë-Durrës.
“Gjatë zhvillimit të Samitit të Komunitetit Politik Europian, për të lehtësuar qarkullimin drejt dhe nga Aeroporti Ndërkombëtar i Tiranës, do të jenë të aksesueshme rrugët dytësore të autostradës Tiranë – Qafë Kashar – Rinas si dhe Unaza Veriore. Po ashtu, do të mbeten funksionale degëzimet Paskuqan – Institut – Kamëz – Domje – Laknas – Rinas dhe Paskuqan – Institut – Kamëz – Valias – Rinas”, njofton TIA.
Po ashtu udhëtarët këshillohen të përdorin këto akse alternative për të shmangur trafikun dhe për të siguruar një mbërritje më të shpejtë në aeroport.
- Cili do ta fitojë i pari luftën, Bordi i Paqes apo Bordi i Transparencës?! - 31/03/2026
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026