Kryeministri Edi Rama ka shpërndarë në rrjetet sociale një përditësim mbi ecurinë e punimeve për zgjerimin e superstradës Tiranë–Durrës.
Ai theksoi se puna që po bëhet do të sjellë një aks rrugor me standarde të larta, të cilat do të përmirësojnë ndjeshëm kushte për sigurinë dhe komfortin e drejtuesve të mjeteve dhe pasagjerëve.
“Kjo është pamja e superstradës Tiranë–Durrës në përfundim të punimeve që po bëhen aktualisht për zgjerimin e saj.
Një aks me kushte dhe parametra tërësisht europiane të sigurisë rrugore, si dhe me të gjithë elementët e tjerë të mobilimit urban, ndriçim dhe gjelbërim, për t’iu përshtatur më së miri zonave të banuara që përshkon,” shkruan Rama në postimin e tij.
Punimet janë në përfundim e sipër, dhe sipas kryeministrit, shumë shpejt qytetarët do të mund të shijojnë përmirësimet e mëdha në këtë rrugë kyçe për zhvillimin ekonomik dhe turistik të vendit.
- Ndarja nga jeta e Servet Pëllumbit, Rama reagon me foton e protestës së 1996-s: Lamtumirë Profesor i dashur! - 05/05/2026
- PROFILI/ Nga drejtimi i PS-së me Nanon në burg te kreu i Kuvendit, kush ishte “Profesori” i socialistëve Servet Pëllumbi - 05/05/2026
- Ndahet nga jeta ish-kryetari i Kuvendit të Shqipërisë Servet Pëllumbi - 05/05/2026