Mediat britanike raportojnë se ushtria ukrainase ka përdur së fundmi dhe raketat me rreze të gjatë britanike, ndaj bazave të ushtrisë së Putin, brenda territorit të Rusisë.
Sipas raportimeve paraprake, dyshohet se Ukraina ka përdorur raketat Storm Shadoë të Britanisë, por një gjë e tillë nuk konfirmohet nga zyra e Kryeministrit Starmer për motive sigurie.
Dy ditë pasi presidenti amerikan Joe Biden autorizoi Ukrainën të sulmojë Rusinë me raketa me rreze të gjatë veprimi, Forcat e Mbrojtjes së Ukrainës goditën për herë të parë territorin rus me raketa balistike Atacms, të prodhuara nga SHBA.
Sipas burimit, sulmi kishte në shënjestër një objekt ushtarak pranë qytetit të Karaçevit në rajonin Bryansk të Rusisë.
Vendimi që lejon Kievin të përdorë Sistemin Raketor Taktik të Ushtrisë, ose ATACM, për sulme më tej brenda Rusisë, vjen pasi Presidenti Vladimir Putin pozicionoi trupat e Koresë së Veriut përgjatë kufirit verior të Ukrainës në përpjekje për të rimarrë qindra milje të territorit të kapur nga forcat ukrainase.
Raketat balistike të sistemeve ATACMS, të prodhuara nga kompania amerikane e hapësirës ajrore dhe mbrojtjes, Lockheed Martin, kanë gati dyfishin e distancës së goditjes se shumica e raketave që disponon Ukraina – deri në 300 kilometra. Ato mund të bëjnë goditje të sakta ndaj pistave të avionëve, depove të municioneve dhe infrastrukturës strategjike.
- Papa Françesku shenjtëron adoleshentin italian si apostull kibernetik/ Ishte vetëm 15 vjeç kur vdiq nga leucemia - 21/11/2024
- Ish-drejtori i Policisë së Shkodrës padit për shpifje deputetin Gazment Bardhi - 21/11/2024
- VIDEO/ Vermoshi dhe Thethi “vishen” me të bardha, dëbora mbulon zonat malore - 21/11/2024