Kryeministri i vendit, Edi Rama ka dhënë së fundmi një intervistë për median italiane “La Repubblica” në lidhje me marrëveshjen Shqipëri-Itali për emigrantët.
Në fjalën e tij, Kryeministri i vendit ka ritheksuar se ndërtimi dhe menaxhimi i qendrave të emigrantëve në Shëngjin dhe Gjadër nuk kanë lidhje me qeverinë shqiptare. Më tej, Rama është shprehur se asnjë emigrant nuk do mund të largohet nga strukturat.
“Ndërtimi dhe menaxhimi nuk kanë lidhje me qeverinë shqiptare. Asnjë emigrant nuk do të mund të largohet nga strukturat”, tha Rama.
Për “La Republicca”, Rama bëri të ditur se qendrat e emigrantëve nuk shqetësojnë qeverinë shqiptare, që sipas tij mund të shqetësohet vetëm nëse përfshihet nga Italia.
“Qendrat e emigrantëve në Shqipëri nuk shqetësojnë qeverinë tonë. Do të shqetësohemi vetëm nëse përfshihemi nga Italia dhe kur ka arsye për t’u shqetësuar”, tha Rama gjatë intervistës për median prestigjioze italiane.
Sipas Kryeministrit Rama, emigrantët do të shoqërohen nga autoritetet italiane, si gjatë udhëtimit, ashtu edhe gjatë qëndrimit. Përsa i përket vonesave të hapjes së qendrave të emigrantëve, Kryeministri Rama ka thënë se mund të ketë ndodhur si pasojë e problemeve gjeologjike.
- “Nuk na duhet më teatër”/ Kryeparlamentari iranian sulmon Trumpin: Kërcënimet dhe premtimet boshe janë strategji e dështuar - 06/08/2026
- Zyrtare/ Marrëveshje historike, Vinicius lidhet me Real Madridin për gjashtë sezone të tjera - 06/08/2026
- Ngërçi në formimin e institucioneve, SHBA thirrje liderëve politikë në Kosovë: Ka ardhur koha për progres dhe stabilitet - 06/08/2026