Zyrtarët izraelitë janë gjithnjë e më të shqetësuar se gjykata e lartë penale e OKB-së po planifikon të kërkojë urdhër-arreste për liderët e tyre të lartë ushtarakë dhe politikë nën dyshimin për krime lufte.
Raportet sugjerojnë se kryeministri Benjamin Netanyahu mund të jetë mes tyre. Gjykata Ndërkombëtare Penale (ICC) ka hetuar veprimet e Izraelit në territoret e pushtuara për tre vitet e fundit, dhe së fundmi edhe veprimet e Hamasit. Ajo ka fuqinë për të akuzuar dhe gjykuar individë për krimet më të rënda sipas ligjit ndërkombëtar.
Sipas BBC, gjykata Ndërkombëtare Penale ka lëshuar më parë urdhër-arreste për liderët, duke përfshirë Vladimir Putin të Rusisë, Muammar Gaddafi të Libisë dhe kryekomandantin e Ugandës, Joseph Kony.
Netanyahu e ka quajtur mundësinë që figura të larta izraelite t’i bashkohen listës së të kërkuarve “një fyerje me përmasa historike”, duke akuzuar ICC-në se po përpiqet të paralizojë aftësinë e Izraelit për t’u mbrojtur.
Por fakti që ai ka zgjedhur të bëjë komente kaq të ashpra publike sugjeron se në prapaskenë, një skenar i tillë po diskutohet në mënyrë aktive. Ndërsa ICC nuk i ka konfirmuar pretendimet izraelite.
- Zjarri në Krujë/ “Zero dëme në njerëz dhe banesa”, Braçe i përgjigjet komentuesve: Me 4.2 milionë euro do ishte shuar menjëherë? Ky është cinizëm - 09/08/2026
- Nga kontrata e shkruar në një pecetë te presioni për të kaluar te Reali, si Jorge Messi udhëhoqi të birin drejt karrierës së tij ikonike - 09/08/2026
- Hipokrizia e së majtës evropiane me dezinformimin rreth Marokut - 09/08/2026