Puthja e presidentin e Federatës spanjolle të Futbollit, Luis Rubiales ndaj futbollistes së kombëtares spanjolle, Jenni Hermoso, pasi fitoi Kupën e Botës për gratë po shkakton një furtunë të vërtetë.
Së fundmi një numër i madh trajneresh të Kombëtares spanjolle të femrave kanë dhënë dorëheqjen në shenjë proteste për sjelljen e Luis Rubiales.
Ndërkohë 81 lojtare konfirmojnë se nuk do të luajnë për kombëtaren e Spanjës deri kur ai të shkarkohet nga posti i tij, raporton BBC.
Nga ana tjetër Rubiales refuzon të japë dorëheqjen, por Federata Spanjolle e futbollit së fundmi ka deklaruar se ai do të përballet me drejtësinë dhe se beson se do ta mbrojë veten e tij ligjërisht.
“Luis Rubiales ka deklaruar se do të mbrohet ligjërisht në organet kompetente, ai ka besim të plotë në FIFA dhe rithekson se në këtë mënyrë i jepet mundësia të fillojë mbrojtjen e tij në mënyrë që e vërteta të mbizotërojë dhe të provohet pafajësia e tij e plotë”, deklaroi Federata Spanjolle.
Qeveria spanjolle nisi procedimet ligjore për të pezulluar 46-vjeçarin, ndërsa FIFA ka nisur edhe procedimin disiplinor.
Futbollistja e ekipit kombëtar të grave të Spanjës, Jenni Hermoso deklaroi se u ndje e sulmuar nga presidenti i Federatës së Futbollit të Spanjës (RFEF), Luis Rubiales, kur ai e puthi me forcë pas finales së Kupës së Botës./
- Protesta e opozitës – Policia njofton planin e masave: Respektoni afatin kohor dhe vendin e tubimit - 07/05/2026
- Takimi i Sekretarit Rubio me Papën pas përplasjeve me Trump për luftën, zbulohet çfarë u fol pas dyerve të mbyllura - 07/05/2026
- Në garë me veten, Berisha i kërkon Celibashit 100 dhoma të fshehta votimi, rivalët që u përjashtuan nga gara e akuzojnë për zgjedhje farsë - 07/05/2026